Buk Song

(Ol Sam)

¹Man i kisim amamas tru
em i man i no save wokabaut long toktok bilong ol manmeri nogut,
na em i no save sanap long pasin bilong ol sin manmeri,
na em i no save sindaun wantaim ol manmeri i tok bilas long God.
²Em i save amamas long bihainim ol lo bilong BIKPELA,
na em i save tingim ol lo bilong BIKPELA long san i go tudak.

³Em i olsem wanpela diwai ol i bin planim klostu long wara
na em i save karim kaikai long rait taim bilong em,
na lip bilong em i no save drai.
Olgeta samting em i mekim i save kamap gutpela.
⁴Ol manmeri nogut i no olsem. Nogat.
Ol i stap olsem skin bilong wit na win i save rausim i go.

⁵Em olsem na, ol manmeri nogut ol i no inap winim bikpela kot bilong bihain,
na ol sin manmeri ol i no inap sindaun wantaim ol kongregesen bilong ol stretpela manmeri bilong God,
⁶long wanem, BIKPELA i save pinis long wei bilong ol stretpela manmeri bilong Em,
tasol ol manmeri nogut na wei bilong ol bai lus olgeta.