Buk Song
DEVIT I RAITIM DISPELA SONG.
1BIKPELA Em i wasman bilong sipsip – Em i wasman bilong mi.
Olsem na mi no sot long wanpela samting.
2Em i slipim mi long hap i gat naispela grinpela gras.
Na Em i lidim mi i go arere long wara i ron isi isi.
3Em i kirapim nupela strong long laip bilong mi.
Em i lidim mi i go long olgeta rot i stretpela,
bilong Em kisim oana i pas long nem bilong Em.
4Em olsem na maski mi wokabaut long veli bilong tudak bilong i dai
mi no inap pret long ol samting nogut,
long wanem, Yu, BIKPELA, i stap wantaim mi;
stik bilong pait na stik bilong wasman bilong sipsip i stap long han bilong Yu,
na dispela i givim bel isi long mi.
5Yu redim na stretim kaikai bilong mi
long ai bilong ol birua bilong mi.
Yu kapsaitim wel long het bilong mi,
na kap bilong mi i pulap na i kapsait.
6Tru tumas, ol gutpela bilong Yu na feitful lavim bilong Yu bai i stap wantaim mi
long olgeta de bilong laip bilong mi,
na mi bai sindaun insait long haus bilong BIKPELA oltaim oltaim.
