Buk Song

Dispela Song Devit i Raitim. Em i Raitim Taim Em i Ranawe Long Apsalom, Pikinini Man Bilong Em.

¹BIKPELA, ol birua bilong mi i kamap planti moa!
Planti manmeri i kirap na ol i egensim mi;
²planti ol i tok baksait long mi olsem,
“God i no inap sevim em.”Sila

³Tasol Yu, BIKPELA, Yu save raunim mi,
Yu as bilong gutpela nem bilong mi,
na Yu save litimapim het bilong mi.
⁴Mi kraiaut long BIKPELA,
na Em i stap long holi maunten bilong Em na Em i harim kraiaut bilong mi.Sila

⁵Mi sindaun long bet na mi slip,
na mi kirap gen bikos BIKPELA i save holim mi.
⁶Mi no inap pret long hamas tausen manmeri
i raunim mi na i laik egensim mi.

⁷BIKPELA, plis kirap.
God bilong mi plis sevim mi.
Long wanem, Yu save paitim ol birua bilong mi long maus,
na Yu save brukim tit bilong ol manmeri nogut.

⁸BIKPELA i save sevim ol pipel bilong Em;
blesim bilong Em i stap wantaim ol pipel bilong Em.Sila