Moning.
Wanpela tok long Baibel i klia olgeta na i olsem, God yet i save sevim sin manmeri.
Ating planti manmeri i tingim olsem, yumi yet yumi mas mekim wok bilong sevim yumi yet. Planti manmeri i tingim olsem, sapos mi mekim ol gutpela wok na mi mekim ol naispela pasin, orait God bai kisim bek mi.” Ol i tingim olsem, “Sapos mi lusim pasin nogut na mi mekim ol gutpela pasin God i laikim, orait God bai amamas long mi na kisim bek mi.”
Ol manmeri i holim dispela kain tingting ol i tingting long mekim wok na bai God i kisim bek ol. Ol i laik God i kisim bek ol long wok bilong ol yet. Ol i laik God i lukim ol naispela wok bilong ol yet na God i kisim bek ol. Em olsem na i olsem ol laik mekim wok bilong sevim ol yet.
Tasol, Baibel i klia olsem, God yet i save sevim sin manmeri.
Harim tok bilong aposel Pol. Long 1 Timoti 1:15 Pol i tok olsem,
“Wanpela tok i stap, na dispela tok yu ken i trastim na yu ken i kisim na holim gut. Na dispela tok i olsem, Krais Jisas i bin kam long dispela graun bilong sevim sin manmeri, na mi nambawan sin man stret.”
Husat i bin kam bilong sevim sin manmeri? Krais Jisas. Pol i no mekim wok bilong sevim em yet. Nogat. Na yumi no inap mekim wok bilong sevim yumi yet. Nogat. Krais Jisas i bin kam long dispela graun bilong mekim wok bilong sevim sin manmeri olsem yu na mi na Pol.
Long Rom 3:25 Pol i tok,
“God i bin salim Krais Jisas i kam, na Krais Jisas i kisim pe bilong sin na Em i dai, na blut bilong Em i kapsait bilong tekewe bel hat bilong God long sin bilong manmeri i bilipim na trastim Krais Jisas.”
Husat i bin salim Krais Jisas i kam? God. God yet i makim Jisas bilong mekim wok long diwai kros. Long wok bilong Jisas God bai kisim bek sin manmeri. Em olsem na God i salim Jisas i kam bilong mekim wok bilong sevim sin manmeri olsem yu na mi.
Na long 2 Korin 5:21 Pol i tok,
“Krais yet i no save liklik long sin. Tasol, bilong helpim yumi, God i mekim Em i kamap sin samting. God i mekim olsem bai yumi, long wok bilong Krais, i ken i kamap stretpela manmeri bilong God.”
Na yumi no inap mekim wok bilong sevim yumi yet. Nogat. Krais Jisas i bin kam long dispela graun bilong mekim wok bilong sevim sin manmeri olsem yu na mi na Pol.
Husat i mekim Jisas i kamap sin samting bilong helpim (sevim) sin manmeri? God. God i mekim Jisas i kamap sin samting bilong sevim sin manmeri olsem yu na mi. Taim Jisas i kisim sin bilong sin manmeri, orait Em i kamap sin samting. Na taim Jisas i dai long diwai kros, orait Em i kisim pe bilong sin bilong sin manmeri. Long dispela wok bilong Jisas tasol, God i kisim bek sin manmeri.
Yu na mi, maski yumi wanem kain sin manmeri, yu na mi yumi mas tanim bel long mekim wok bilong sevim yumi yet, na yumi mas putim bilipim na trastim bilong yumi long feitful wok Jisas i bin mekim. Long wanem, God i save kisim bek sin manmeri tasol long feitful wok bilong Jisas.
Glenn.
