Jenesis
Stori bilong ol lain bilong Adam i go inap long Noa.
5
1Dispela stori em i stori bilong ol lain bilong Adam, na dispela stori ol i raitim long wanpela buk.
Taim God Em i wokim man, Em i wokim man na em i stap wankain olsem God yet. 2God Em i wokim man na meri na Em i blesim tupela. Na taim God Em i wokim tupela pinis Em i kolim tupela “manmeri”.
3Taim Adam em i stap 130 yia pinis, em i karim wanpela pikinini man, na dispela pikinini man em i stap wankain olsem Adam yet. Em i stap wankain olsem Adam, na Adam em i kolim em Set. 4Adam em i karim Set pinis na em i stap 800 yia moa, na em i karim ol narapela pikinini man na meri. 5Adam em i stap 930 yia olgeta na em i dai.
6Taim Set em i stap 105 yia pinis, em i kamap papa bilong wanpela pikinini man nem bilong em Enos. 7Set em i karim Enos pinis na em i stap 807 yia moa, na em i karim ol narapela pikinini man na meri. 8Set em i stap 912 yia olgeta na em i dai.
9Taim Enos em i stap 90 yia pinis, em i kamap papa bilong wanpela pikinini man nem bilong em Kenan. 10Enos em i karim Kenan pinis na em i stap 815 yia moa, na em i karim ol narapela pikinini man na meri. 11Enos em i stap 905 yia olgeta na em i dai.
12Taim Kenan em i stap 70 yia pinis, em i kamap papa bilong wanpela pikinini man nem bilong em Mahalalel. 13Kenan em i karim Mahalalel pinis na em i stap 840 yia moa, na em i karim ol narapela pikinini man na meri. 14Kenan em i stap 910 yia olgeta na em i dai.
15Taim Mahalalel em i stap 65 yia pinis, em i kamap papa bilong wanpela pikinini man nem bilong em Jaret. 16Mahalalel em i karim Jaret pinis na em i stap 830 yia moa, na em i karim ol narapela pikinini man na meri. 17Mahalalel em i stap 895 yia olgeta na em i dai.
18Taim Jaret em i stap 162 yia pinis, em i kamap papa bilong wanpela pikinini man nem bilong em Enok. 19Jaret em i karim Enok pinis na em i stap 800 yia moa, na em i karim ol narapela pikinini man na meri. 20Jaret em i stap 962 yia olgeta na em i dai.
21Taim Enok em i stap 65 yia pinis, em i kamap papa bilong wanpela pikinini man nem bilong em Metusela. 22Enok em i save stap aninit long lek bilong God. Taim Enok em i karim Metusela pinis em i stap 300 yia moa, na em i karim ol narapela pikinini man na meri. 23Enok em i stap 365 yia olgeta. 24Enok em i save stap aninit long lek bilong God na God em i kisim em i go olgeta.
25Taim Metusela em i stap 187 yia pinis, em i kamap papa bilong wanpela pikinini man nem bilong em Lamek. 26Metusela em i karim Lamek pinis na em i stap 782 yia moa, na em i karim ol narapela pikinini man na meri. 27Metusela em i stap 969 yia olgeta na em i dai.
28Taim Lamek em i stap 182 yia pinis, em i karim wanpela pikinini man. 29Lamek em i kolim em Noa na em i tok olsem, “Long rong bilong Adam BIKPELA Em i bin bagarapim graun na mipela kisim taim stret. Noa bai helpim mipela na mipela bai stap gut.” 30Noa em i kamap pinis na Lamek em i stap 595 yia moa, na em i karim ol narapela pikinini man na meri. 31Lamek em i stap 777 yia olgeta na em i dai.
32Pastaim Noa em i stap 500 yia, na bihain em i kamap papa bilong Siem na Ham na Jafet, tripela pikinini man bilong em.
